Esta es la estoria de Ana, una mujer ke syempre ulvida yevar su chadir.
A)
Kreygo ke pudia azer luvya oy, porke ay nuves eskuras en el syelo.
Mizmo si no esta azyendo luvya, sera mijor ke yeve el chadir kon mi, porke ayer me ize trushi entera.
Algunas vezes dechido de no yevar el chadir. A vezes simplemente me ulvido yevarlo.
Munchas vezes dudo en yevarme el chadir, kuando devia de azerlo. Esto es achakez ke se ke normalmente desho mi chadir en algun lugar kuando lo yevo kon mi.
En kualseker kavzo, me parese ke kada vez ke no yevo mi chadir, aze luvya i al kavo del kavo me mojo.
Ayer, por enshemplo, pensi ke no iva a azer luvya, malgrado ke la prediksion del tyempo deziya ke aviya un 20 por syento de probabilita de luvya.
Sali de kaza sin el chadir, esperando lo mijor. Ama sin saverlo, izo luvya i me ize trushi.
Vo tener de azer mas atansion. Tengo menester de azer mas atansion de yevar mi chadir i azer mas atansion de akodrar yevarlo kon mi a kaza.
La vida esta yena de dechiziones ke son zor.
Agora la mizma estoria kontada de una forma diferente.
B)
Ana penso ke iva a azer luvya el lunes pasado, porke aviya nuves eskuras en el syelo.
Mizmo si no estava azyendo luvya, eya penso ke seria mijor yevar su chadir kon si, porke se izo trushi un diya antes.
Era verdad ke eya algunas vezes dechidio de no yevar un chadir, o simplemente se ulvido de yevar uno.
Indemas, munchas vezes dudava yevar un chadir kuando devia de azerlo. Esto era porke eya saviya ke normalmente deshava su chadir en algun lugar kuando lo yevava kon si.
En kualseker kavzo, a Ana le paresia ke kada vez ke no yevava su chadir, a la fin aziya luvya i eya se mojava.
El otro diya, por enshemplo, eya penso ke no iva a azer luvya, malgrado ke la prediksion del tyempo deziya ke aviya un 20 por syento de probabilita de luvia.
Eya aviya salido de la kaza sin un chadir, esperando lo mijor. Ama sin saverlo, izo luvya i eya se izo trushi.
Eya penso ke tenia de azer mas atansion, azer mas atansion de yevar un chadir i azer mas atansion de akodrarse de aboltarlo a kaza.
La vida esta yena de dechiziones ke son zor.
Agora algunas kestiones sovre la estoria. Dire la repuesta despues de la pregunta.
Kestiones:
1. Kreygo ke pudia azer luvya oy, porke ay nuves eskuras en el syelo. Deke kreygo ke pudia azer luvya oy? Kreygo ke pudia azer luvya oy porke ay nuves eskuras en el syelo.
2. Sera mijor ke yeve el chadir kon mi, ya ke ayer me ize entera trushi. Deke deveria yevar mi chadir? Sera mijor ke yeve el chadir kon mi, porke ayer me ize entera trushi.
3. Munchas vezes dudo yevarme el chadir, kuando deveria azerlo. Esto syempre sigura de yevar mi chadir? No, munchas vezes dudo yevarme el chadir, kuando deveria azerlo.
4. Esto es achakez del fakto ke normalmente desho mi chadir en algun lugar kuando lo yevo kon mi. Kualo ago normalmente kon mi chadir? Normalmente desho mi chadir en algun lugar kuando lo yevo kon mi.
5. En kualseker kavzo, a Ana le paresia ke kada vez ke no yevava su chadir, aziya luvya i eya se mojava. Kualo le afitaria a Ana kuando aziya luvya? A Ana le paresia ke kada vez ke no yevava su chadir, aziya luvya i eya se mojava.
6. El otro diya, por enshemplo, eya penso ke no iva a azer luvya, malgrado ke la prediksion del tyempo deziya ke aviya un 20 por syento de probabilita de luvya. Ke por syento de probabilita de luvya deziya la prediksion del tyempo? La prediksion del tyempo deziya ke aviya un 20 por syento de probabilita de luvya.
7. Eya penso ke tenia ke azer mas atansion. Kualo iva a azer Ana? Eya iva azer mas atansion.
8. Eya tenia ke azer mas atansion de yevar un chadir. Para ke iva a tener Ana ke azer mas atansion? Iva a tener ke azer mas atansion de yevar un chadir.
I esto es todo. Mersi por sentirmos. Al vermos presto kon una mueva estoria.