Esta es la estoria de Maria, una mujer ke uzava meldar solamente livros imprimidos en papel.
A)
Maria uzava meldar solamente livros en papel. Durante la mas grande parte de su vida, la idea de un livro elektroniko ni egzistia. Todos los materiales de lektura uzavan imprimirsen en papel.
De otra vanda, agora ay otros modos de meldar. En los ultimos anyos, mas i mas personas empesaron a meldar livros en un dispozitivo portatif.
Las personas pueden meldar en sus telefones, sus tabletas elektronikas o dispozitivos solo para livros elektronikos komo Kindle, si ansina lo dezeyan.
Maria prefere la komodita de meldar en su dispozitivo portatif, porke syempre tyene su material de lektura en la mano.
Eya pensa ke los livros elektronikos son partikolarmente utiles para viajar, porke kargar livros en su ekipaje pueder ser inkomodo.
Eya tambyen va a poder enkomendar los livros ke dezeya, en kualseker momento ke esta en el internet.
De otra vanda, su marido Jorge prefere tener un livro de papel en sus manos. El simplemente topa ke es una eksperiensia de lektura mas konfortavle i agradavle.
A Jorge tambyen le agrada pasar tyempo en librerias i bibliotekas, solo para ver ke modo de livros estan disponivles.
Jorge normalmente merka livros, ama Maria solo toma nota de los titolos de livros enteresantes, para ansina enkomendar la version elektronika del livro i meldarla en su dispozitivo portatif.
Agora la mizma estoria kontada por Maria.
B)
Durante muchos anyos, solo meldo livros en papel. Durante la mas grande parte de mi vida, la idea de un livro elektroniko ni egzistia. Todos los materiales de lektura eran imprimados en papel.
De otra vanda, en los ultimos anyos, deskuvri muevos modo de meldar. Me rendi kuenta ke kada vez mas personas empesavan a meldar en un dispozitivo portatif.
Vide a djente meldando en sus telefones, en sus tabletas elektronikas o en dispozitivos solo para livros elektronikos komo Kindle.
Kale ke vos diga ke agora prefero la komodita de meldar en un dispozitivo portatif, porke syempre tengo mi material de lektura en la mano.
Penso ke los livros elektronikos son partikolarmente utiles kuando viajo, porke kargar livros en mi ekipaje puede ser inkomodo.
Indemas, puedo enkomendar kualseker livro ke dezeyo, en kualseker momento ke esto en el Internet.
Mi marido Jorge malorozamente prefera tener un livro de papel en sus manos. El dize ke pensa ke es una eksperiensia de lektura mas konfortavle i agradavle. De mi punto de vista, el es simplemente tradisional.
Jorge pasa demaziado tyempo en las livrerias i bibliotekas, solo para ver ke modo de livros estan disponivles.
Solo despues de bushkar, Jorge pudia merkar un livro. De otra venda, yo prefero simplemente tomar nota de los titolos de livros enteresantes, para ansina enkomendar la versión elektronika del livro i meldarla en mi dispozitivo portatif. Esto es muncho mijor!
Agora algunas kestiones sovre la estoria.
Kestiones:
1. Durante la mas grande parte de su vida, la idea de un livro elektroniko ni egzistia. Ke idea ni egzistia durante la mas grande parte de su vida? Durante la mas grande parte de su vida, la idea de un livro elektroniko ni egzistio.
2. En los ultimos anyos, mas i mas personas empesaron a meldar livros en un dispozitivo portatif. Kuando empeso la djente a meldar livros en un dispozitivo portatif? En los ultimos anyos, mas i mas personas empesaron a meldar livros en un dispozitivo portatif.
3. Maria pensa ke los livros elektronikos son partikolarmente utiles kuando viaja. Kuando pensa Maria ke los livros elektronikos son partikolarmente utiles? Eya pensa ke los livros elektronikos son partikolarmente utiles kuando viaja.
4. Eya tambyen va a poder enkomendar los livros ke dezeya, en kualseker momento ke esta en el Internet. Kualo va a poder enkomendar en kualseker momento? Eya tambyen va a poder enkomendar los livros ke dezeya, en kualseker momento ke esta en el Internet.
5. De otra vanda, mi marido Jorge, prefera tener un livro de papel en sus manos. Su marido Jorge prefera los livros elektronikos o los livros en papel tradisionales? El prefera los livros en papel tradisionales.
6. Jorge pasa demaziado tyempo en las livrerias i bibliotekas, solo para ver ke modo de livros estan disponivles. Kuanto tyempo pasa Jorge en las livrerias i bibliotekas? Jorge pasa demaziado tyempo en livrerias i bibliotekas.
7. Solo despues de bushkar, Jorge va a poder merkar un livro. Kuando pudia Jorge merkar un livro? Solo despues de bushkar Jorge pudia merkar un livro.
8. De mi vanda, yo prefero simplemente tomar nota de los titolos de livros enteresantes. Kualo prefero azer en las livrerias i bibliotekas? Yo prefero simplemente tomar nota de los titolos de livros enteresantes.
I esto es todo. Al vermos presto kon una mueva estoria.