Esta es la estoria de Samuel i Beatriz, un kupl a la ke le agrada salir a senar kon amigos.
A)
A Samuel i Beatriz les agradar salir a senar kon amigos.
Eyos disfrutan de tomar una kupa o dos de vino kon la sena kada vez ke salen.
Por esta razon, es importante para eyos pensar komo van a ayegar a kaza despues de la sena.
En jeneral, konduzen en su araba asta el restorante o asta el lugar de sus amigos, porke es demaziado karo tomar un taksi.
Eyos normalmente dechiden kon tyempo ken konduzira a kaza, porke esta persona no podra bever vino.
Algunas vezes eyos saven ke sera zor refuzar de bever kon los otros musafires, por enshemplo si sus amigos estan fyestando un evenimiento komo un kumpleanyos.
En estos kavzos, kale aranjar una koza diferente. Una solusyon es ir endjuntos kon otros amigos ke moran serka, porke uno de eyos tendra de achetar no bever.
Syempre es util kontar kon amigos ke simplemente no beven del todo. De estas personas syempre se tyene menester komo shofores.
La mijor situasyon de todas es kuando la sena esta a poka distansia.
Malorozamente, este no es un kavzo frekuente en las grandes sivdades.
Agora la mizma estoria kontada por Samuel i Beatriz.
B)
Mozotros uzavamos disfrutar de salir a senar kon amigos kuando moravamos en la gran sivdad.
Mozotros disfrutavamos de tomar una o dos kupas de vino kon muestra sena kada vez ke saliyamos.
Por esta razon, tuvimos ke pensar en komo ayegar a kaza despues de la sena.
En jeneral, konduziamos en muestra araba asta el restorante o asta el lugar de muestros amigos, porke era demaziado karo tomar un taksi.
Mozotros syempre dechidimos kon tyempo ken iva a konduzir a kaza, porke esta persona no podia bever vino.
Algunas vezes saviyamos ke iva a ser zor refuzar de bever kon los otros musafires, por enshemplo si muestros amigos estavan fyestando un evenimiento komo un kumpleanyos.
En estos kavzos, tuvimos de aranjar otras solusiones. Una solusyon era ir endjuntos kon otros amigos ke moravan serka, porke uno de eyos teniya de achetar no bever.
Syempre topi util kontar kon amigos ke no beven del todo. De estas personas syempre se tyene menester komo shofores.
La mijor situasyon de todas fue kuando la sena estava a poka distansia.
Malorozamente, este no fue el kavzo frekuente en las grandes sivdades.
Ansi ke mos mudimos a una sivdad mas chika i pasimos mas tyempo kon muestros vizinos.
Agora algunas kestiones sovre la estoria.
Kestiones:
1. A Samuel i Beatriz les agrada tomar una o dos kupas de vino kon la sena kada vez ke salen. Kuantas kupas de vino disfrutan Samuel i Beatriz de tomar kon la sena kada vez ke salen? A Samuel i Beatriz les agrada tomar una o dos kupas de vino kon la sena kada vez ke salen.
2. Por esta razon, es emportante para eyos pensar komo van a ayegar a kaza despues de la sena. En ke es emportante ke pensen Samuel i Beatriz? Es emportante para eyos pensar en komo van a ayegar a kaza despues de la sena.
3. En jeneral, konduzen en su araba asta el restorante o asta el lugar de sus amigos porke es demaziado karo tomar un taksi. De ke no toman eyos un taksi? Porke es demaziado karo tomar un taksi.
4. Eyos normalmente dechiden kon tyempo ken konduzira a kaza. Kualo dechiden kon tyempo? Eyos normalmente dechiden kon tyempo ken konduzira a kaza.
5. Algunas vezes saviyamos ke iva a ser zor refuzar de bever kon los otros musafires. Pensimos ke seria kolay o zor refuzar de bever kon los otros musafires? Algunas vezes saviyamos ke iva a ser zor refuzar de bever kon los otros musafires.
6. En estos kavzos, tuvimos de aranjar otras solusiones. Kualo tuvimos ke azer en estos kavzos? En estos kavzos tuvimos de aranjar otras solusiones.
7. Syempre topi util kontar kon amigos ke no beven del todo. Ke modo de amigos topi util tener? Syempre topi util kontar kon amigos ke no beven del todo.
8. Estas personas syempre mos vyenen a mankar komo shofores. Para ke mos vyenen a mankar syempre este modo de personas? Estas personas syempre mos vyenen a mankar komo shofores.
I esto es todo. Al vermos presto kon una mueva estoria.