Esta es la estoria de Carlos, un ombre al ke no le plaze del todo kedarse en el trafik.
A)
A Carlos no le plaze del todo kedarse en el trafik, mas ke todo kuando viaja a i desde el lavoro.
El pensa ke un modo de aminguar el trafik es partajar la araba kon otra persona, porke esto kere dezir ke ay mankas arabas en el kamino.
Ya ay algunas dekadas ke se partajan arabas, ama al empesijo munchas personas no kerian azerlo, mas ke todo porke disfrutavan de su privasidad entremyentres konduzian.
Algunas personas tambyen pudian merekiyarse sovre la segurita de viajar en arabas konduzidas por djente ajena.
En algunas sivdades, ay sherites espesiales en los kaminos para las arabas partajadas. Solo las arabas kon dos, tres o mas personas pueden konduzir en estos sherites.
Partajar araba puede abediguarlo a ayegar mas presto al lavoro. Malorozamente, es menester ke las personas troken algunos de sus uzos.
En los ultimos anyos, se partajan mas arabas, porke el trafiko devino peor.
Partajar araba va a poder avansar tyempo i paras a los ke viajan todos los diyas, ama puede ser ke lo mas emportante es ke abedigua a mijorar la natura.
Agora la mizma estoria kontada por Carlos.
B)
No me plazia del todo kedarme en el trafik, mas ke todo kuando viajava a i desde el lavoro.
Pensi ke un modo de aminguar el trafik era partajar la araba kon otra persona, porke esto keria dezir mankas arabas en el kamino.
Ay algunas dekadas ke se partajan arabas, ama al empesijo munchas personas no kerian, mas ke todo porke disfrutaban de su privasidad entremyentras konduzian.
Tambyen me merekiyi ke puede ser no iva a ser siguro viajar en arabas konduzidas por personas ajenas.
En algunas sivdades, ya egzistian sherites espesiales en los kaminos para las arabas kompartidas. Solo las arabas kon dos, tres o mas personas pueden konduzir en estos sherites.
Me plaze esta tendensia. Partajar araba me abedigua a ayegar a mi lavoro mas presto, ama tambyen me ovligo a trokar algunos uzos.
En los ultimos anyos, se partajan mas arabas, porke el trafik devino mas negro.
Partajar araba permete a los viajeros komo avansar tyempo i paras, ama puede ser ke lo mas importante es ke abedigua a mijorar la natura.
Agora algunas kestiones sovre la estoria.
Kestiones:
1. A Carlos no le plaze del todo kedarse en el trafik, mas ke todo kuando viaja a i desde el lavoro. Kuando en partikolar no le plaze del todo a Carlos kedarse en el trafik? A Carlos no le plaze del todo kedarse en el trafik en partikolar kuando viaja a i desde el lavoro.
2. El pensa ke un modo de aminguar el trafik es partajar la araba kon otra persona. Komo pensa Carlos ke se pudia aminguar el trafik? El pensa ke un modo de aminguar el trafik es partajar araba kon otra persona.
3. Partajar araba kon otra persona kere dezir ke ay mankas arabas en el kamino. Partajar araba kon otra persona kere dezir mas o mankas arabas en el kamino? Partajar araba kon otra persona kere dezir mankas arabas en el kamino.
4. Ay ya algunas dekadas ke se partajan arabas. Empesaron a partajarse arabas el anyo pasado? No, ay ya algunas dekadas ke se partajan.
5. Tambyen me merekiyo si es siguro viajar en arabas konduzidas por personas ajenas. Komo me sentiya sovre viajar en arabas konduzidas por personas ajenas? Me merekiyava si era seguro viajar en arabas konduzidas por personas ajenas.
6. En algunas sivdades ya egzistian sherites espesiales en los kaminos para las arabas partajadas. Kualo teniyan ya algunas sivdades? En algunas sivdades ya egzistian sherites espesiales en los kaminos para las arabas partajadas.
7. Solo las arabas kon dos, tres o mas personas pueden konduzir en estos sherites. Kuantas personas deven tener las arabas ke konduzen en estos sherites? Solo las arabas kon dos, tres o mas personas pueden konduzir en estos sherites.
8. En los ultimos anyos se partajan mas arabas porke el trafik devino mas negro. Deke se partajan mas arabas en los ultimos anyos? En los ultimos anyos se partajan mas arabas porke el trafik devino mas negro.
I esto es todo. Al vermos presto kon una mueva estoria.