Esta es la estoria de Margarita, una manadjer de merkadoteknia ke bushka dezvelopar su firma en el estranjero.
A)
Margarita es manadjer de merkadoteknia en una firma de fabrikasion.
Eya esta sigura ke este es el mijor momento para ke su firma se dezvelope en el estranjero.
Porke la demanda para los produktos de su firma esta pujando en los merkados internasionales.
No solo estan pujando las eksportasiones, ama tambyen ay ekselentes prokuradores de piezas en algunos payizes.
Dunke, el dezvelopamiento de la firma en el estranjero pudia muchiguar el interkambio de merkansias i aminguar los kostes al mizmo tyempo.
Kualseker movimiento en el estranjero tendra menester de una planifikasion metikuloza.
Komo la situasyon es diferente en kada payiz, seguramente Margarita va a tener menester de topar personas kon eksperiensia lokala ke van a poder abediguarla.
Margarita vijito la majorita de los merkados internasionales mas emportantes.
Eya no kere azer dingun yerro, dunke dechide de demandar konsejo a sus mushteris en el estranjero.
Va a tener menester de un buen karar de tyempo para azer las investigasiones nesesarias para estar sigura ke el muevo plan de dezvelopamiento se kompletara kon reushita.
Agora la mizma estoria kontada por Margarita.
B)
Yo fui manadjer de merkadoteknia de una firma de fabrikasion ay algunos anyos.
Estava sigura ke era el momento para ke muestra firma se dezvelopara en el estranjero.
Porke la demanda para nuestros produktos estava pujando en los merkados internasionales.
No solo pujaron las eksportasiones, ama tambyen uvo ekselentes prokuradores de piezas en algunos payizes.
Alora, el dezvelopamiento en el estranjero pudia muchiguar el interkambio de merkansias i aminguar los kostes al mizmo tyempo.
Kualseker movimiento en el estranjero tendra menester de una planifikasion metikuloza.
Komo la situasyon en kada payiz era diferente, saviya ke kalia topar personas kon eksperiensia lokala para abediguarme.
Yo aviya vijitado la majorita de los merkados internasionales mas emportantes.
No keria azer dingun yerro, dunke dechidi de demandar algunos konsejos a mis mushteris en el estranjero.
Iva a tener menester de un buen karar de tyempo para azer las investigasiones nesesarias para estar sigura ke el muevo plan de dezvelopamiento se kompletara kon reushita.
Veygamos agora algunas kestiones. Puedes solo sintir las kestiones o, si keres aprovar de aresponderlas, azelo por favor en silensio o en boz alta.
Kestiones:
1. Margarita es manadjer de merkadoteknia de una firma de fabrikasion. Ke lavoro tyene Margarita? Margarita es manadjer de merkadoteknia de una firma de fabrikasion.
2. Eya esta sigura ke este es el mijor momento para ke su firma se dezvelope en el estranjero. De kualo esta sigura Margarita? Eya esta sigura ke este es el mijor momento para ke su firma se dezvelope en el estranjero.
3. Egzisten ekselentes prokuradores de piezas en algunos payizes. Ande egzisten ekselentes prokuradores de piezas? Egzisten ekselentes prokuradores de piezas en algunos payizes.
4. El dezvelopamiento en el estranjero pudia muchiguar el interkambio de merkansias i aminguar los kostes al mizmo tyempo. Kualo kavzaria el dezvelopamiento en el estranjero? El dezvelopamiento en el estranjero pudia muchiguar el interkambio de merkansias i aminguar los kostes al mizmo tyempo.
5. Yo saviya ke kalia topar personas kon eksperiensia lokala para abediguarme. A ken saviya ke kalia topar para obtener ayuda? Yo saviya ke kalia topar personas kon experiensia lokala para abediguarme.
6. Yo aviya vijitado la majorita de los merkados internasionales mas emportantes. Aviya vijitado todos los merkados internasionales mas emportantes? No, yo aviya vijitado la majorita de los merkados internasionales mas emportantes.
7. Dechidi de demandar algunos konsejos a mis mushteris en el estranjero. Kualo dechidi de demandar a mis mushteris en el estranjero? Dechidi de demandar algunos konsejos a mis mushteris en el estranjero.
8. Iva a tener menester de un buen karar de tyempo para azer las investigasiones nesesarias. Iva a tener menester de poko tyempo para azer las investigasiones nesesarias? No, iva a tener menester de un buen karar de tyempo para azer las investigasiones nesesarias.
I esto es todo. La estoria de Margarita, una manadjer de merkadoteknia ke kere dezvelopar su firma. Al vermos!