Esta es la estoria de Susana i Jorge, un kupl ke kere merkar una kaza mueva.
A)
A Susana i a Jorge les agradaria merkar una kaza mueva porke sus dos ijos ya se estan engrandesiendo.
Malorozamente, devino zor merkar una kaza mueva porke el presyo pujo muncho mas rapido ke el de los salarios.
Para poder merkar una kaza mueva, avansaron paras durante anyos.
Si keren merkar una simple kaza de famiya, kalia ke moraran leshos de la sivdad.
Esto kere dezir ke todos los dos ivan a tener un largo kamino al lavoro.
Eyos miraron apartamentos, ama eran demaziado chikos o estavan en zonas ke no les agradavan.
Eyos se rendan kuenta ke malgrado el fakto ke todos los dos lavoran muncho i no gastan paras sin tener menester, mizmo ansina no pueden merkar la kaza ke keren.
Pensaron en la posibilita de alkilar una kaza, ama en vedra sintieron ke preferian tener su propia kaza.
Al kavo del kavo, eyos dechidieron de mudarse a una sivdad mas chika. Sintieron ke pudian tener una vida mas simple ayi i disfrutar de una mijor vida en famiya.
Agora la mizma estoria kontada por Susana i Jorge.
B)
Mozotros keriamos merkar una kaza mueva porke muestros dos ijos ya se estan engrandesiendo.
Malorozamente, devino zor merkar una kaza mueva porke el presyo aviya pujado mas rapido de el de muestros salarios.
Para poder merkar una kaza mueva, avansimos paras durante anyos.
Si ivamos a kerer merkar una simple kaza de famiya, kalia morar leshos de la sivdad.
Esto keria dezir ke todos los dos ivamos a tener un largo kamino al lavoro.
Vimos apartamentos, ama eran demaziado chikos o estavan en zonas ke no mos agradavan.
Mos rendimos kuenta ke malgrado el fakto ke los dos lavoramos muncho i no gastamos paras sin menester, mizmo ansina no podiamos merkar la kaza ke keriamos.
Pensimos en la posibilita de alkilar una kaza, ama en vedra sentimos ke preferemos tener muestra propia kaza.
Finalmente dechidimos de mudarnos a una sivdad mas chika. Sentimos ke pudiamos tener una vida mas simple ayi i disfrutar de una mijor vida en famiya.
Agora, algunas kestiones sovre la estoria. Dire la repuesta despues de la pregunta.
Kestiones:
1. Susana i Jorge keren merkar una kaza mueva porke sus dos ijos ya se estan engrandesiendo. De ke keren Susana i Jorge merkar una kaza mueva? Eyos keren merkar una kaza mueva porke sus dos ijos ya se estan engrandesiendo.
2. Eyos avansaron paras durante anyos. Kuanto tyempo avansaron Susana i Jorge paras? Eyos avansaron paras durante anyos.
3. Si eyos keren merkar una simple kaza de famiya, kalia morar leshos de la sivdad. Kualo afitaria si eyos ivan a merkar una simple kaza de famiya? Si eyos keren merkar una simple kaza de famiya, kalia morar leshos de la sivdad.
4. Eyos miraron apartamentos ama eran demaziado chikos o estavan en zonas ke no les agradavan. De ke no les agradaron los apartamentos ke vieron? Eyos vieron apartamentos ama estos eran demaziado chikos o estavan en zonas ke no les agradavan.
5. Eyos kerian merkar una kaza mueva porke sus dos ijos ya se estan engrandesiendo. Kualo kerian azer eyos? Eyos kerian merkar una kaza mueva porke sus dos ijos ya se estan engrandesiendo.
6. Eyos pensaron en la posibilita de alkilar una kaza. Kualo aviyan pensado azer? Eyos aviyan pensado alkilar una kaza.
7. En vedra eyos sintieron ke preferen tener sus propia kaza. Kualo sintieron ke preferen en vedra tener? En vedra eyos sintieron ke preferen tener sus propia kaza.
8. Al kavo del kavo, eyos dechiden de mudarsen a una sivdad chika. Kualo dechiden de azer al kavo del kavo? Al kavo del kavo eyos dechiden de mudarsen a una sivdad chika.
Mersi por sentir la estoria. Al vermos presto kon una mueva estoria.