Esta es la estoria de Jerry, un ombre ke esta tomando un diya de vakansa del echo
A)
Jerry esta tomando un diya de vakansa del echo
El kere ir a ver un filmo
A Jerry le plazen las komedias mas de los filmos romantikos
I a el no le plazen tanto los filmos de siensia fiksion ni los filmos de aksion.
El mira la lista de filmos muevos en el Internet
Ay sinko filmos muevos en la lista
Tres de los filmos muevos son filmos romantikos
Uno de los filmos es de siensia fiksion
Uno de los filmos es de komedia
Jerry eskoje la komedia mueva
Agora la mizma estoria kontada por Jerry
B)
Me tomi un diya de vakansa del echo
Yo keriya ir a ver un filmo.
Me plazen las komedias mas de los filmos romantikos
I no me plazen tanto los filmos de siensia fiksion, ni los filmos de aksion.
Yo miri la lista de filmos muevos en el internet
Aviyan sinko filmos muevos en la lista
Tres de los filmos muevos eran filmos romantikos
Uno de los filmos era de siensia fiksion
Uno de los filmos era de komedia
Yo eskoji la komedia mueva.
Veremos agora algunas kestiones. Puedes solo sentir las kestiones o, si keres aprovar de responderlas, azelo por favor en silensio o en boz alta.
Kestiones:
1. Jerry tyene un diya de vakansa del echo. Lavora Jerry oy? No, Jerry no esta lavorando. El tyene un diya de vakansa del echo.
2. Jerry kere ir a ver un filmo. Ke kere Jerry ir a ver? El kere ir a ver un filmo.
3. A Jerry no le plazen los filmos romantikos ni de siensia fiksion. A Jerry le plazen los filmos romantikos? No, a Jerry no le plazen los filmos romantikos ni los filmos de siensia fiksion.
4. A Jerry le plazen los filmos de komedia i de aksion. Ke filmos le plazen a Jerry? A el le plazen los filmos de komedia i de aksion.
5. Jerry miro la lista de filmos muevos en el Internet. Ke lista miro Jerry? Jerry miro la lista de filmos muevos en el Internet.
6. Aviyan sinko filmos muevos en la lista. Aviyan sinko filmos muevos en la lista? Si, aviyan sinko filmos muevos en la lista.
7. Aviya un filmo de siensia fiksion en la lista. Aviya algun filmo de siensia fiksion en la lista? Si, aviya un filmo de siensia fiksion en la lista.
8. Jerry dechidio de ir a ver la mueva komedia. Ke filmo dechidio Jerry ir a ver? El dechidio ir a ver la mueva komedia.
I esto es todo. Al vermos presto kon una mueva estoria.