ESTORIA 20
20 – Alicia esta aprovando de ir a lavorar

Esta es la estoria de Alicia, una mujer ke esta aprovando de ir a lavorar.

A)

Alicia esta aprovando de ir a lavorar.

Eya esta aprovando de meter su araba en kamino.

Ama esta muy frio ahuera. 

Dunke su oto no esta lavorando.

Eya mira en primero el orario de los otobuses.

Los otobuses de la sivdad son muy avagarozos.

Despues eya mira el orario del treno.

Los trenos ayegan a tyempo.

Eya dechide de tomar el treno al echo.

Eya espera no ayegar tadre al echo.

Esta es la mizma estoria kontada por Alicia.

B)

Yo teniya menester de ir al echo.

Yo aprovi de meter mi araba en kamino.

Ama estava muy frio ahuera.

Dunke mi araba no lavoro.

Yo miri en primero el orario de los otobuses.

Los otobuses de la sivdad eran muy avagarozos.

Despues yo miri el orario del treno.

Yo dechidi de tomar el treno al echo.

Yo esperava no ayegar tadre al echo.

Agora algunas kestiones sovre la estoria. Vo dizir la repuesta despues de la pregunta.

Kestiones: 

1) Alicia esta aprovando de ayegar al echo. Alicia esta aprovando de ayegar al echo? Si, Alicia esta aprovando de ayegar al echo.

2) Esta frio ahuera. Esta kayente ahuera? No, no esta kayente ahuera. Esta frio ahuera.

3) La araba de Alicia no esta kaminando porke esta muy frio ahuera. La araba de  Alicia esta kaminando? No, la araba de  Alicia no esta kaminando porke esta muy frio ahuera.

4) Alicia mira en primero el orario de los otobuses. Alicia mira en primero el orario del treno? No, no lo aze. Alicia mira en primero el orario de los otobuses.

5) Los otobuses de la sivdad eran muy avagarozos. Los otobuses de la sivdad eran muy avagarozos? Si, los otobuses de la sivdad eran muy avagarozos.

6) Los trenos ayegavan a tyempo. Los trenos ayegavan tadre? No, los trenos no ayegavan tadre. Ayegavan a tyempo.

7) Alicia dechidio de tomar el treno al echo. Alicia dechidio de tomar la araba al echo? No, Alicia no dechidio de tomar la araba. Eya dechidio de tomar el treno al echo.

8) Alicia esperava no ayegar tadre al echo. Alicia keria ayegar tadre? No, eya no keria ayegar tadre. Eya esperava no ayegar tadre al echo.

I esto es todo. La estoria de Alicia, una mujer ke esta aprovando de ir a lavorar. Al vermos en la proksima estoria!