Esta es la estoria de Carlos, un elevo ke tiene un antrakt en la eskola.
A)
Carlos tiene un antrakt en la eskola.
Son las 12:00 del medyodiya i es ora de komer.
Carlos no trusho komida de su kaza.
El deve de merkar su komida en la eskola.
El se va al kafe.
El ve un sandvich de guevo i patatas i una salata.
Su mama kere ke koma la salata.
Ama Carlos kere komer el sandvich de guevo i patatas.
El pensa durante un puntiko.
Despues, el merka el sandvich i se lo kome.
Esta es la mizma estoria kontada por Carlos.
B)
Yo tengo un antrakt en la eskola.
Son las 12:00 del medyodiya i es ora de komer.
Yo no trushe komida de mi kaza.
Yo me vo al kafe.
Yo veygo un sandvich de guevo i patatas i una salata.
Mi mama kere ke koma la salata.
Ama yo kero komer el sandvich de guevo i patatas.
Lo penso durante un puntiko.
Despues merko el sandvich i me lo komo.
Agora algunas kestiones sovre la estoria de Carlos. Vo dizir la repuesta despues de azer la demanda.
Kestiones:
1) Carlos tiene un antrakt en la eskola. Carlos esta lavorando en la eskola? No, el no esta lavorando. El tiene un antrakt en la eskola.
2) Son las 12:00 del medyodiya i es ora de komer. Es ora de komer? Si, es ora de komer.
3) Carlos no tyene komida. Carlos tyene komida? No, Carlos no tyene komida.
4) Carlos se va al kafe. Carlos se va a un restorante? No, Carlos se va al kafe.
5) Carlos ve una salata, i un sandvich de guevo i patatas en el kafe. Carlos ve una salata? Si, Carlos ve una salata i un sandvich de guevo i patatas en el kafe.
6) Su mama kere ke koma la salata i no el sandvich. La mama de Carlos kere ke se koma la salata? Si, su mama kere ke el koma la salata i no el sandvich.
7) Carlos merka el sandvich. Carlos merka la salata? No, Carlos no merka la salata. El merka el sandvich de guevo i patata i se lo kome.
I esto es todo. Te esperamos en la proksima estoria.