A)
Emma no se syente muy buena
Eya tyene dolor de kavesa i de garon.
Eya tambyen esta sarnudando muncho.
Eya dechide de ir a ver al doktor.
Eya le dize al doktor komo se syente.
El doktor le dize a Emma ke tyene una abashada.
Emma le demanda al doktor una milizina.
El doktor le dize a Emma ke no tyene menester de milizina para una abashada.
El doktor le dize a Emma ke deveria durmir i bever agua.
Emma ainda no se syente buenika kuando le dize orvuar al doktor.
Agora la estoria kontada por Emma.
B)
Yo no me estava sintiendo muy buena.
Yo teniya dolor de kavesa i de garon.
Yo tambyen estava sarnudando muncho.
Yo dechidi de ir a ver al doktor.
Le dishi al doktor komo me sentiya.
El doktor me disho ke teniya una abashada.
Le demandi al doktor una milizina.
El doktor disho ke yo no teniya menester de milizina para una abashada.
El doktor me disho ke deveria durmir i bever agua.
Yo ainda no me syento buenika kuando digo orvuar al doktor.
Agora algunas kestiones sovre la estoria de Emma. Dire la repuesta despues de azer la demanda.
Kestiones:
1. Emma no se syente buena. Emma se syente buena? No, Emma no se syente buena.
2. Emma tyene dolor de kavesa i de garon. Kualo tyene Emma? Emma tyene dolor de kavesa i de garon.
3.Emma esta sarnudando muncho. Kualo esta aziendo Emma? Emma esta sarnudando muncho.
4. Emma dechide de ir a ver al doktor. Kualo dechide Emma de azer? Emma dechide de ir a ver al doktor.
5. Emma le dize al doktor komo se syente. Kualo le dize Emma al doktor? Emma le dize al doktor komo se syente.
6. El doktor le dize a Emma ke tyene una abashada. Kualo le dize el doktor a Emma? El doktor le dize a Emma ke tyene una abashada.
7. El doktor le dize a Emma ke no tyene menester de milizina para una abashada. El doktor le dize a Emma ke tyene menester de milizina? No, el doktor le dize a Emma ke no tyene menester de milizina para una abashada.
8. El doktor le dize a Emma ke deveria durmir i bever agua. Kualo le dize el doktor a Emma ke deveria azer? El doktor le dize a Emma ke deveria durmir i bever agua.
9. Emma ainda no se syente buenika kuando le dize orvuar al doktor. Se syente buenika Emma kuando le dize orvuar al doktor? No, Emma ainda no se syente buenika kuando le dize orvuar al doktor.
I esto es todo. La estoria de Emma, una mujer ke no se sentiya buenika. Al vermos presto en la proksima estoria!