Estoria 2
02 – David kere irse en vakansas

David kere irse en vakansas

Sintimos agora la estoria de David, ke esta emosionado por sus vakansas de invierno.

A)

David esta heyedjanli por las vakansas de invierno.

Tyene un poko de tiempo libre en invierno.

No kale ke lavore por dos semanas.

Kere irse en vakansas.

Ama ainda no save ande ir.

Kere ir a Fransia.

Ama Fransia es muy kara.

Los bilyetos de avion kostan muncho.

I David no avla fransez.

Dechide de ambezarse fransez, ekonomizar paras i kedarse en kaza.

Sintimos agora la mizma estoria kontada por David.

B)

Esto heyedjanli por las vakansas de invierno.

Tengo un poko de tiempo libre en invierno.

No kale ke lavore por dos semanas.

Kero irme en vakansas.

Ama no se ande ir.

Kero ir a Fransia.

Ama Fransia es muy kara.

Los bilyetos de avion kostan muncho.

I no avlo fransez.

Dechido de ambezarme fransez, ekonomizar paras i kedarme en kaza.

Vamos a ver agora algunas kestiones. Puedes solo sentir las kestiones o, si keres aprovar de aresponderlas, azelo por favor en silensio o en boz alta.

Kestiones:

1) David esta heyedjanli por las vakansas de invierno. Esta David heyedjanli? Si, David esta heyedjanli por las vakansas de invierno.

2) David tyene un poko de tiempo libre en invierno. Tyene David un poko de tiempo libre en invierno? Si, David tyene un poko de tiempo libre en invierno.

3) David kere irse en vakansas. Kere David kedarse en kaza? No, David no kere kedarse en kaza. Kere irse en vakansas.

4) David no save ande ir. Save David ande ir? No, David no save ande ir.

5) David kere ir a Fransia en vakansas. Kere David ir a Fransia? Si, David kere ir a Fransia en vakansas.

6) Fransia es muy kara. Es Fransia barata? No, Fransia no es barata. Fransia es muy kara.

7) David no avla fransez. Avla David fransez? No, David no avla fransez.

8) David dechide de ambezarse fransez, ekonomizar paras i kedarse en kaza en vakansas. Dechide David de ambezarse fransez? Si, dechide de ambezarse fransez, ekonomizar paras i kedarse en kaza en vakansas.

I esto es todo, la estoria de David, ke keria irse en vakansas. Mersi muncho por sintirla i esperamos verte en la proksima estoria.

Leave a Reply