Esta es la estoria numero uno. Es sovre Miguel, ke lavora en un restorante.
A
Miguel se alevanta a las 6:00 todas las demanyanas.
Apareja el dezayuno i beve un kafe.
Se va al echo en su araba.
Su echo empesa a las 7:30 de la demanyana.
Miguel es gizandon en un restorante.
Apareja komidas para los klientes ambiertos.
Los mushteris son de munchos payizes.
Avlan munchas linguas diferentes.
Miguel puede konoser a muncha djente amistoza.
Miguel esta alegre kuando avla kon los mushteris.
Agora kero ke tornes a sintir la mizma estoria, ama kontada esta vez por Miguel. Vas a ver ke es un poko diferente. Aki tyenes a Miguel.
B
Me alevanto a las 6:00 todas las demanyanas.
Aparejo el dezayuno i bevo un kafe.
Me vo al echo en mi araba.
Mi echo empesa a las 7:30 de la demanyana.
So gizandon en un restorante.
Aparejo komida para los klientes ambiertos.
Los mushteris son de munchos payizes.
Avlan munchas linguas diferentes.
Puedo konoser a muncha djente amistoza.
Me alegro kuando avlo kon los mushteris.
Agora kero ke sientas las kestiones i si te plaze aresponderlas, te rogo lo agas en silensio o en boz alta, o simplemente aze atansyon a las repuestas. Tu dechides.
Kestiones:
1) Miguel se alevanta a las 6:00 todas las demanyanas. Se alevanta Miguel demprano? Si, Miguel se alevanta a las 6:00 todas las demanyanas.
2) Miguel beve un kafe. Beve Miguel un chay? No, Miguel no beve un chay. Beve un kafe.
3) Miguel va al echo en su araba. Va Miguel al echo en su araba? Si, Miguel va al echo en su araba.
4) El echo de Miguel empesa a las 7:30 de la demanyana. Empesa el echo de Miguel a las 7:00 de la demanyana? No, el echo de Miguel no empesa a las 7:00 de la demanyana. Empesa a las 7:30 de la demanyana.
5) Miguel es gizandon en un restorante. Es Miguel gizandon? Si, Miguel es gizandon en un restorante.
6) Los mushteris son de munchos payizes distintos. Son los mushteris de un solo payiz? No, los mushteris no son de un solo payiz. Son de munchos payizes distintos.
7) Los mushteris son amistozos. Son los mushteris amistozos? Si, los mushteris son amistozos.
8) Miguel se siente alegre kuando avla kon los mushteris. Se siente Miguel alegre kuando avla kon los mushteris? Si, Miguel se siente alegre kuando avla kon los mushteris.
Muy bien. Esto kompleta tu primera lisyon en esta serie de mini estorias ke te van a abediguar a entender i ser kapache de kulanear el ladino.
Te invito a sintir la proksima estoria.
Al vermos!