Esta es la estoria de Rosa, una mujer ke vijita a su amiga.
A)
La amiga de Rosa mora leshos.
Eya invito a Rosa a senar.
Rosa esta alegre de vijitar a su amiga.
Rosa ya merko un bilyeto de treno.
Eya viaja en treno para ver a su amiga.
La amiga de Rosa esta muy alegre de verla.
La amiga de Rosa apronto una grande sena.
Eya estuvo gizando poyo, zarzavat i una savor de boka.
Ama Rosa es alerjika al poyo.
Alora Rosa solo kome la zarzavat i la savor de boka.
Agora la mizma estoria kontada por Rosa.
B)
Mi amiga se mudo.
Unos kuantos diyas atras eya me invito a senar.
Yo estava alegre de vijitar a mi amiga.
Yo merki un bilyeto de treno.
Yo viaji en treno para vijitar a mi amiga.
Mi amiga estava muy alegre de verme.
Mi amiga apronto una grande sena.
Eya estuvo gizando poyo, zarzavat i una savor de boka.
Ama yo so alerjika al poyo.
Alora solo komi la zarzavat i la savor de boka.
Veygamos agora algunas preguntas. Puedes solo sentir las preguntas o, si keres aprovar de aresponderlas, azelo por favor en silensio o en boz alta.
Kestiones:
1. La amiga de Rosa se mudo muy leshos. La amiga de Rosa mora serka? No, la amiga de Rosa no mora serka. La amiga de Rosa se mudo muy leshos.
2. La amiga de Rosa invito a Rosa a senar. Kuala envitasyon izo la amiga de Rosa? La amiga de Rosa invito a Rosa a senar.
3. Rosa estava alegre de vijitar a su amiga. Estava Rosa feliz por vijitar a su amiga? Si, Rosa estava feliz de vijitar a su amiga.
4. Rosa merko un bilyeto de treno. Kualo merko Rosa? Rosa merko un bilyeto de treno.
5. Rosa viajo en treno para ver a su amiga. En kualo viajo Rosa? Rosa viajo en treno para ver a su amiga.
6. La amiga de Rosa esta muy alegre de verla. Esta la amiga de Rosa alegre? Si, la amiga de Rosa esta muy alegre de verla.
7. La amiga de Rosa estuvo gizando una grande sena. Kualo estuvo gizando la amiga de Rosa? La amiga de Rosa estuvo gizando una grande sena.
8. La amiga de Rosa estuvo gizando poyo, zarzavat i una savor de boka. Estava la amiga de Rosa gizando karne? No, la amiga de Rosa no estava gizando karne. Eya estava gizando poyo, zarzavat i una savor de boka.
9. Rosa es alerjika al poyo. Puede Rosa komer poyo? No, Rosa no puede komer poyo. Eya es alerjika al poyo.
10. Rosa solo kome la zarzavat i la savor de boka. Kualo kome Rosa? Rosa no kome el poyo, solo kome la zarzavat i la savor de boka.
I esto es todo. Al vermos presto kon una mueva estoria.