Esta es la estoria de Carmen, una mujer ke va a un randevu.
A)
Carmen esta en un restorante.
Eya tyene un randevu kon Saul.
Carmen no konose a Saul.
Ama el es el amigo de un amigo de Carmen.
Saul ayega a tyempo.
El dize, “Ke haber?” i Carmen le dize “Todo bueno!”
Saul se asenta i Carmen lo mira.
Eya pensa ke es muy yakishikli.
Carmen sonriye i Saul la mira.
“Tyenes una ermoza sonriza”, dize Saul.
Agora, sentiremos la mizma estoria kontada por Carmen.
B)
Yo esto en un restorante.
Yo tengo un randevu kon Saul.
No konosko a Saul.
Ama el es el amigo de un amigo miyo
El ayega a tyempo.
El dize, “Ke haber?” i yo digo, “Todo bueno!”
El se asenta, i yo lo miro.
Yo penso ke es muy yakishikli.
Yo sonriyo, i Saul me mira.
“Tyenes una ermoza sonriza,” dize Saul.
Agora, veygamos si puedes aresponder a estas kestiones o, si lo vas a preferar, simplemente sintirlas.
Kestiones:
1) Carmen esta en un restorante. Carmen esta en kaza? No, Carmen no esta en kaza. Eya esta en un restorante.
2) Carmen tyene un randevu kon Saul. Carmen tyene un randevu kon Jorge? No, Carmen no tyene un randevu kon Jorge. Eya tyene un randevu kon Saul.
3) Carmen no konose a Saul, ama el es el amigo de un amigo de Carmen. Carmen konose a Saul? No, Carmen no konose a Saul, ama el es el amigo de un amigo de Carmen.
4) Saul ayega al restorante a tyempo. Saul ayega al restorante a tyempo? Si, Saul ayega al restorante a tyempo.
5) Saul dize “Ke haber?” a Carmen. Saul dize “Ke haber?” Si, Saul dize “Ke haber?” a Carmen.
6) Carmen pensa ke Saul es yakishikli. Carmen pensa ke Saul es yakishikli? Si, Carmen pensa ke Saul es yakishikli.
7) Saul mira a Carmen. Saul mira a Carmen? Si, Saul mira a Carmen.
8) Saul dize ke Carmen tyene una ermoza sonriza. Saul dize ke le plaze la sonriza de Carmen? Si, Saul dize ke Carmen tyene una ermoza sonriza.
I esto es todo. Al vermos en la proksima estoria.