ESTORIA 12
12 – Janire tyene menester de una komputadora mueva

Esta es la estoria de Janire, una mujer ke tyene menester de una komputadora mueva.

A)

Janire kulanea muncho la komputadora.

Ama eya tyene menester de una komputadora mueva.

Su komputadora es vieja i funksiona muy avagar.

Eya va a un magazen de elektronika.

Eya ve munchas komputadoras en el magazen.

Eya kere un ekran grande para su komputadora.

I eya kere un klavye bueno.

Eya ve una buena komputadora blu.

A eya le plazen el ekran, el klavye i el stilo.

Eya merka la komputadora kon una karta de kredito.

Esta es la mizma estoria kontada por Janire.

B)

Yo kulaneo muncho la komputadora.

Ama tengo menester de una komputadora mueva.

Mi komputadora es vieja i funksiona muy avagar.

Yo vo a un magazen de elektronika.

Yo veygo munchas komputadoras en el magazen.

Yo kero un ekran grande para mi komputadora.

I yo kero un klavye bueno.

Veygo una komputadora blu.

Me plazen el ekran, el klavye i el stilo.

Yo merko la komputadora kon una karta de kredito.

Agora algunas kestiones sovre la estoria de Janire. Vo dizir la repuesta despues de azer la demanda.

Kestiones:

1) Janire kulanea muncho la komputadora. Janire kulanea muncho la komputadora? Si, eya kulanea muncho la komputadora.

2) Janire tyene menester de una mueva komputadora. Janire tyene menester de una mueva komputadora? Si, eya tyene menester de una mueva komputadora.

3) La komputadora de Janire es vieja i funksiona muy avagar. La komputadora de Janire es mueva? No, su komputadora no es mueva. Es vieja i funksiona muy avagar.

4) Janire ve munchas komputadoras en el magazen de elektronika. Ay munchas komputadoras en el magazen? Si, Janire ve munchas komputadoras en el magazen de elektronika.

5) Janire kere un ekran grande para su komputadora. Janire kere un ekran chiko? No, Janire kere un ekran grande para su komputadora.

6) Janire kere un klavye bueno para su komputadora. Janire kere un klavye bueno? Si, Janire kere un klavye bueno para su komputadora.

7) Janire ve una komputadora blu. Janire ve una komputadora preta? No, eya no ve una komputadora preta. Eya ve una komputadora blu.         

8) A Janire le plazen el ekran de la komputadora blu, el klavye i el stilo. A Janire le plaze la komputadora blu? Si, a Janire le plazen el ekran de la komputadora blu, el klavye i el stilo. 

9) Janire merka la komputadora kon una karta de kredito. Janire merka la komputadora kon paras? No, eya no kulanea paras. Eya la merka kon una karta de kredito.

I esto es todo. La estoria de Janire, una mujer ke tyene menester de una komputadora mueva. Al vermos en la proksima estoria.