Shalom. Agora, sintimos otra estoria, la estoria de Andres, ke tyene una mueva amigita.
A)
Andres tyene una mueva amigita.
Su amigita se yama Sara.
Andres kere aparejar la sena para Sara.
Va al supermerkado.
Andres toma un sesto i una karosa.
Pasa por el koridor de las zarzavates.
Mira el pishkado en la buzyera.
Se aserka al lugar de las salatas.
Al kavo del kavo, se va del magazen.
Andres se va a kaza i enkomenda una pizza.
Agora, sintimos la mizma estoria kontada por Andres.
B)
Tengo una mueva amigita.
Se yama Sara.
Kero aparejar la sena para Sara.
Vo al supermerkado.
Tomo un sesto i una karosa
Paso por el koridor de las zarzavates.
Miro el pishkado en la buzyera.
Me aserko al lugar de las salatas.
Al kavo del kavo, me vo del magazen.
Me vo a kaza i enkomendo una pizza.
Agora, vamos a ver si puedes aresponder a algunas de estas kestiones o, si lo vas a preferar, simplemente aze atansyon a las repuestas.
Kestiones:
1) Andres tyene una mueva amigita ke se yama Sara. Tyene Andres una mueva amigita? Si, Andres tyene una mueva amigita. Se yama Sara.
2) Andres kere aparejarle a Sara la sena. Kere Andres aparejar el dezayuno para Sara? No, Andres no kere aparejar el dezayuno para Sara. Kere aparejarle la sena.
3) Andres va al supermerkado a merkar komida. Va Andres al supermerkado? Si, Andres va al supermerkado a merkar komida.
4) Andres pasa por la seksyon de las zarzavates. Merka Andres zarzavat? No, Andres no merka zarzavat. Andres pasa por la seksyon de zarzavat.
5) Andres mira el pishkado en la buzyera, ama no merka nada. Mira Andres el pishkado? Si, Andres mira el pishkado en la buzyera, ama no merka nada.
6) Al kavo del kavo Andres se va del magazen i se va a kaza. Se keda Andres en el magazen? No, al kavo del kavo Andres se va del magazen i se va a kaza.
7) Andres dechide de mijor enkomendar pizza. Apareja Andres la sena? No, Andres no apareja la sena. Enkomenda pizza.
Esta fue la estoria de Andres , ke no aparejo la sena para su mueva amigita. Al vermos!