Agora, aki esta la estoria de Jesus, ke va ir a una selebrasyon de aniversaryo.
A)
Jesus va ir a una selebrasyon de aniversaryo.
Tyene menester de merkarle un regalo a Margarita.
Ama Jesus no va a munchas selebrasyones.
Esta inyervozo i se demanda kualo merkar.
A Margarita le plazen las djoyas, los animales i la kolor blu.
Jesus va a un magazen de djoyas.
Ve un ermozo kolye de plata.
El kolye tyene un gato blu.
Jesus esta kontente i merka el kolye.
Espera ke a Margarita le va plazer el kolye.
Agora, sintimos la mizma estoria, esta vez kontada por Jesus.
B)
Vo a ir a una selebrasyon de aniversaryo.
Tengo menester de merkarle un regalo a Margarita.
Ama no vo a munchas selebrasyones.
Esto inyervozo i me demando kualo merkar.
A Margarita le plazen las djoyas, los animales i la kolor blu.
Me vo a un magazen de djoyas.
Veygo un ermozo kolye de plata.
El kolye tyene un gato blu.
Esto kontente i merko el kolye.
Espero ke a Margarita le va a plazer el kolye.
Agora, vamos a ver si puedes aresponder algunas kestiones o, si lo vas a preferar, simplemente sintir las repuestas.
Kestiones:
1) Jesus va ir a una selebrasyon de aniversaryo para Margarita. Va ir Jesus a una selebrasyon de aniversaryo? Si, Jesus va ir una selebrasyon de aniversaryo para Margarita.
2) Jesus no va a munchas selebrasyones, por esto esta inyervozo. Va Jesus a munchas selebrasyones? No, Jesus no va a munchas selebrasyones, por esto esta inyervozo.
3) A Margarita le plazen los animales i la kolor blu. Le plazen a Margarita los animales? Si, a Margarita le plazen los animales i tambyen la kolor blu.
4) Jesus va a un magazen de djoyas. Va Margarita a un magazen de djoyas? No, Margarita no va a un magazen de djoyas, ama Jesus si.
5) Jesus ve un kolye de plata. Ve Jesus un aniyo de plata? No, ve un kolye de plata, no un aniyo.
6) El kolye es de plata. Es el kolye de plata o de oro? El kolye es de plata, no de oro.
7) Ay un gato blu en el kolye. Ay un gato lila en el kolye? No. Ay un gato blu en el kolye.
8) Jesus merka el kolye porke espera ke le va plazer a Margarita. Merka Jesus el kolye? Si, Jesus merka el kolye porke espera ke a Margarita le va plazer.I esta fue la estoria de Jesus, ke fue a una selebrasyon de aniversaryo.
Al vermos presto kon otra estoria.