Esta es la estoria de Sandra, una mujer ke se apronta para una konkurensia de lucha libre.
A)
Ay unos 15 anyos ke Sandra esta en un ekipo de lucha libre
Oy, su entrenador le disho ke se aserka una konkurensia.
El kere ke eya konkura en la kategoria de menor pezgo.
Komo rezultado, Sandra tendra ke trokar su dieta.
Eya tambyen tendra ke empesar a ir mas al jimnasio
Sandra syempre amo la lucha libre.
Malorozamente, devino mas zor kon los anyos.
Eya no tyene tanto tyempo komo uzava tenerlo.
I no piedre pezgo tan kolay komo uzava pedrerlo.
Mizmo ansina, Sandra topara el modo de konkurir.
Agora la mizma estoria kontada de un modo diferente.
B)
Ay unos kinze anyos ke Sandra i su amiga estan en un ekipo de lucha libre.
Oy, sus entrenador les disho ke se aserka una konkurensia.
El kere ke eyas konkuran en la kategoria de menor pezgo.
Komo rezultado, kalia ke Sandra i su amiga trokaran su dieta.
Eyas tambyen tendran ke empesar a ir mas al jimnasio.
Eyas syempre amaron la lucha libre.
Malorozamente, devino mas zor kon los anyos.
Eyas no tyenen tanto tyempo komo uzavan tenerlo antes.
I no piedren pezgo tan kolay komo uzavan azerlo.
Mizmo ansina, Sandra i su amiga toparan el modo de konkurir.
Veygamos agora algunas kestiones. Puedes solo sentir las kestiones o, si keres aprovar de aresponderlas, azelo por favor en silensio o en boz alta.
Kestiones:
1. Ay kinze anyos ke Sandra esta en un ekipo de lucha libre. Kuanto tyempo ay ke Sandra esta en el ekipo de lucha libre? Ay unos kinze anyos ke Sandra esta en un ekipo de lucha libre.
2. Oy su entrenador le disho ke se aserka una konkurensia. Kuando tendra lugar una konkurensia? Una konkurensia tendra lugar muy presto.
3. El kere ke eya konkura en la kategoria de menor pezgo. En ke kategoria kere el ke Sandra kompita? El kere ke eya kompita en la kategoria de menor pezgo.
4. Komo rezultado, Sandra tendra de trokar su dieta. Kualo tendra de azer Sandra komo rezultado? Komo rezultado, Sandra tendra de trokar su dieta.
5. Eyas syempre amaron la lucha libre. Eyas syempre amaron la lucha libre? Si, eyas syempre amaron la lucha libre.
6. Devino mas zor kon los anyos. Desde kuando devino mas zor? Devino mas zor kon los anyos.
7. Eyas no tyenen tanto tyempo komo uzavan tenerlo antes. Uzavan tener mas tyempo? Si, ama agora eyas no tyenen tanto tyempo komo uzavan tenerlo.
8. Mizmo ansina, Sandra i su amiga toparan el modo de konkurir. Toparan Sandra i su amiga el modo de konkurir? Si. Mizmo ansina, Sandra i su amiga toparan el modo de konkurir.
I esto es todo. Al vermos presto kon una mueva estoria.