Esta es la estoria de un ijo yamado Luis, ke kere merkar un muevo djuga mp3.
A)
Luis bushkava un muevo djuga mp3.
El miro en munchas de las botikas del lugar ande mora.
Malorozamente, el no topo uno barato.
Ansi ke Luis dechide de bushkar en el Internet.
Malgrado ke el no konfia en merkar en internet, el esperava ke los produktos ayi fueran mas baratos.
Despues de bushkar por algunas oras, Luis topo un djuga mp3 ke le plazyo.
Estava kaji a la meata de presyo de los otros, ansi ke lo merko.
El espera ke ture muncho tyempo.
Agora la mizma estoria kontada por los parientes.
B)
Mis ijos bushkavan un muevo djuga mp3.
Eyos miraron en munchas de las botikas del lugar ande moramos.
Malorozamente, no pudieron topar uno barato.
Ansi ke dechidieron de bushkar en el Internet.
Malgrado ke en vedra yo no konfio en merkar en internet, esperava ke los produktos ayi fueran muncho mas baratos.
Despues de bushkar por algunas oras, eyos toparon un djuga mp3 ke les plaze.
Estava kaji a la meata de presyo de los otros, ansi ke lo merkaron.
Espero ke les ture muncho tyempo.
Veygamos agora algunas kestiones. Puedes solo sentir las kestiones o, si keres aprovar de aresponderlas, azelo por favor en silensio o en boz alta.
Kestiones:
1. Luis bushkava un muevo djuga mp3. Kualo bushkava Luis? Luis bushkava un muevo djuga mp3.
2. El miro en munchas de las botikas del lugar ande mora. Ande miro? El miro en munchas de las botikas del lugar ande mora.
3. Malorozamente, el no pudo topar uno barato. Fue Luis kapache de topar uno barato? No, el no pudo topar uno barato.
4. Luis dechidio de bushkar en internet. Ande dechidio Luis de bushkar? Luis dechidio de bushkar en internet.
5. Malgrado ke en vedra eyos no konfian en merkar en internet, esperan ke los produktos ayi seygan muncho mas baratos. Konfian eyos en merkar en internet? No, eyos no konfian en merkar en internet.
6. Despues de bushkar por algunas oras, eyos topan un djuga mp3 ke les plaze. Kuanto tyempo turo la bushkeda en linya? Despues de bushkar por algunas oras, eyos toparon un djuga mp3 ke les plaze.
7. Estava kaji a la meata de presyo de los otros, ansi ke lo merkaron. De ke lo merkaron? Porke estava kaji a la meata de presyo ke los otros.
8. Eyos esperan ke no se va empreteser kolay i ke ture muncho tyempo. Ke esperan ke afite? Eyos esperan ke no se va a empreteser kolay i ke ture por muncho tyempo.
I esto es todo. Al vermos presto kon una mueva estoria.