Esta es la estoria de Martin, un ombre ke mora solo en un chiko apartamento.
A)
Martin mora solo en un chiko apartamento.
El deve azer solo todos los echos de kaza.
Ama el lavora muncho, dunke nunka no tyene tyempo para alimpyar.
Sus vistimientas i los platos estan syempre suzios.
Oy, el esta aprovando de aprontarse para el echo.
Ama el no tyene kalsas limpias.
El tyene solo un pokitiko de tyempo antes de empesar el echo.
El pudia aprovar de lavarlos.
El se rende kuenta ke si va a una botika antes de ir al echo, pudia merkar algunas kalsas muevas.
Ama al kavo del kavo, el dechide de aprovar de lavar todas sus vistimientas oy despues del echo.
Esta es la mizma estoria kontada por Martin.
B)
Yo morava solo en un apartamento chikitiko.
Yo devia azer todas los echos de kaza solo.
Ama lavori muncho, dunke nunka no tuve tyempo para alimpyar.
Mis vistimientas i los platos syempre estavan suzios.
Oy yo estava aprovando de aprontarme para el echo.
Ama no teniya kalsas limpias.
Teniya solo un pokitiko de tyempo antes de empesar el echo.
Me rendi kuenta ke si iva a una botika antes de ir al echo, pudia merkar algunas kalsas muevas.
Ama al kavo del kavo, dechidi de aprovar de lavar mis vistimientas despues del echo oy.
Veremos agora algunas kestiones. Puedes solo sentir las kestiones o, si keres aprovar de aresponderlas, azelo por favor en silensio o en boz alta.
Kestiones:
1. Martin mora solo en un apartamento chikitiko. Martin mora kon alguno? No, Martin no mora kon dingunos. El mora solo en un apartamento chikitiko.
2. Martin nunka no tyene tyempo para alimpyar. Tyene Martin tyempo para alimpyar? No, Martin nunka no tyene tyempo para alimpyar.
3. Martin esta aprovando de aprontarse para el echo. Ke esta aprovando de azer Martin? Martin esta aprovando de aprontarse para el echo.
4. Martin solo tyene un pokitiko de tyempo antes de empesar el echo. Kuanto tyempo tyene Martin antes de empesar el echo? El solo tyene un pokitiko de tyempo antes de empesar el echo.
5. Martin devia azer todos los echos de kaza. Ke echos de kaza devia azer Martin? Martin devia azer todos los echos de kaza.
6. Las vistimientas i los platos de Martin syempre estavan suzios. Ke estava syempre suzio? Las vistimientas i los platos de Martin syempre estavan suzios.
7. Martin no teniya kalsas limpias para el echo. Kualo no teniya Martin? El no teniya kalsas limpias para el echo.
8. Martin penso ir a la botika antes de empesar el echo. Kuando penso Martin en ir a la botika? Martin penso en ir a la botika antes de empesar el echo.
I esto es todo. Al vermos presto en la proksima estoria.