Esta es la estoria de Alberto, un ombre ke esta en un restorante kon su amigo.
A)
Alberto esta en un restorante kon su amigo.
Es su primera vez en este restorante i estan dechidiendo kualo komer.
Alberto kere enkomendar tres platos diferentes, porke kere aprovar los platos del menu.
Ama si enkomenda muncha komida, tendra ke pagar mas de su amigo.
El amigo de Alberto no tyene muncha ambre, dunke solo enkomenda algunos platos chikitikos.
Ansina ke Alberto dechide de enkomendar solo algunos platos chikitikos tambien.
Agora la mizma estoria kontada por Alberto.
B)
Yo estava en un restorante kon mi amigo.
Era muestra primera vez en akel restorante i estavamos dechidiendo kualo komer.
Yo keria enkomendar tres platos diferentes, porke keria aprovar los muevos platos del menu.
Ama si enkomendava muncha komida, iva a tener ke pagar mas de mi amigo.
Mi amigo no teniya muncha ambre, dunke solo enkomendo algunos platos chikitikos.
Ansina ke yo dechidi de solo enkomendar algunos platos chikitikos tambien.
Veremos agora algunas kestiones. Puedes solo sentir las kestiones o, si keres aprovar de aresponderlas, azelo por favor en silensio o en boz alta.
kestiones:
1. Alberto esta en el restorante kon su amigo. Kon ken esta Alberto en el restorante? Alberto esta en el restorante kon su amigo.
2. Alberto i su amigo estan dechidiendo kualo komer en el restorante. Kualo estan aziendo Alberto i su amigo? Eyos estan dechidiendo kualo komer en el restorante.
3. El amigo de Alberto no teniya muncha ambre. Estava el amigo de Alberto muy ambierto? No, el no lo estava. El amigo de Alberto no teniya muncha ambre.
4. El amigo de Alberto solo enkomenda algunos platos chikitikos. Kuanta komida enkomenda el amigo de Alberto? El amigo de Alberto solo enkomenda algunos platos chikitikos.
5. Era la primera vez ke Alberto i su amigo ivan al restorante. Estuvieron Alberto i su amigo en el restorante antes? No, era su primera vez ayi.
6. Alberto keria enkomendar tres platos diferentes de komida. Kuanta komida keria enkomendar Alberto? Alberto keria enkomendar tres platos diferentes de komida.
7. Si Alberto enkomendara muncha komida, iva a tener ke pagar mas ke su amigo. Kualo iva a pasar si Alberto iva a enkomendar muncha komida? Iva a tener ke pagar mas de su amigo.
8. Alberto dechidio solo enkomendar algunos platos chikitikos tambien. Kualo dechidio Alberto tambien enkomendar? Alberto dechidio solo enkomendar algunos platos chikitikos tambien.
I esto es todo. Al vermos presto en la proksima estoria.