Esta es la estoria de dos amigas, Sandra i Jennifer.
A)
Sandra i Jennifer eran amigas durante la segundaria.
En jeneral, eyas miravan filmos i sentian muzika endjuntas.
El aktor favorito de Sandra en akel tyempo era alto i yakishikli.
El aviya estado en munchos filmos i era muy renomado.
El aktor favorito de Jennifer tambyen era muy renomado en akel momento.
I Jennifer pensava ke el era el aktor mas yakishikli.
Sandra no estava d’akordo kon Jennifer.
Eya pensava ke su aktor favorito era muncho mas yakishikli ke el de Jennifer.
Sandra i Jennifer avlavan sovre esto todos los diyas en la eskola.
Eyas kerian konoser a una persona renomada algun diya.
Agora la mizma estoria kontada por Sandra.
B)
Jennifer i yo semos amigas en la segundaria.
En jeneral, miramos filmos i sentimos muzika endjuntas.
Mi aktor favorito agora es alto i yakishikli.
El kontinuara djugando en munchos filmos i syendo muy renomado.
El aktor favorito de Jennifer tambyen es muy renomado.
I eya pensa ke es el aktor mas yakishikli.
Yo no esto d’akordo kon Jennifer.
Yo vo kontinuar pensando ke mi aktor favorito es muncho mas yakishikli ke el de Jennifer.
Kontinuaremos avlando de esto todos los diyas en la eskola.
Syempre kijimos konoser a una persona renomada algun diya.
Agora algunas preguntas. Puedes aprovar de aresponderlas o puedes simplemente sentir las repuestas.
Kestiones:
1. Jennifer i Sandra fueron amigas durante la segundaria. Kuando fueron amigas Jennifer i Sandra? Eyas fueron amigas durante la segundaria.
2. En djeneral, eyas miravan filmos i sentian muzika endjuntas. Kualo azian djeneralmente endjuntas? En djeneral, eyas miravan filmos i sentian muzika endjuntas.
3. El aktor favorito de Sandra era alto i yakishikli. Komo se veia el aktor favorito de Sandra? El aktor favorito de Sandra era alto i yakishikli.
4. El aktor favorito de Sandra era muy renomado porke aviya aktuado en munchos filmos. Era renomado el aktor favorito de Sandra? El aktor favorito de Sandra era muy renomado. El aviya djugado en munchos filmos.
5. Jennifer pensa ke su aktor favorito es el mas yakishikli. Ke aktor pensa Jennifer ke es el mas yakishikli? Jennifer pensa ke su aktor favorito es el mas yakishikli.
6. Sandra kontinuara pensando ke su aktor favorito es muncho mas yakishikli ke el favorito de Jennifer. Ke aktor kontinuara pensando Sandra ke es muncho mas yakishikli? Sandra kontinuara pensando ke su aktor favorito es muncho mas yakishikli ke el favorito de Jennifer.
7. Sandra i Jennifer kontinuaran avlando de sus aktores favoritos todos los diyas. Kon ke frekuensia kontinuaran Sandra i Jennifer avlando de sus aktores favoritos? Eyas kontinuaran avlando de sus aktores favoritos todos los diyas.
8. Eyas syempre kijieron konoser a una persona renomada algun diya. Kualo es lo ke syempre kijieron azer eyas algun diya? Eyas syempre kijieron konoser a una persona renomada algun diya.
I esta es la estoria de dos amigas, Sandra i Jennifer. Al vermos en la proksima estoria.