Esta es la estoria de Maria i Emilia, dos mujeres ke keren aflakarsen.
A)
Maria i Emilia keren aflakarsen.
Eyas keren ir a un sentro de spor.
Ama ir a un sentro de spor es karo.
Alora dechiden de azer spor en kaza.
Maria tyene intensyon de korrer, i Emilia, de alevantar pezgos.
Ama a Maria no le plaze korrer.
I Emilia no es muy forsuda.
Indemas, eyas estan muy okupadas.
Eyas no tyenen tyempo para azer spor.
Ya puede ser ke eyas pueden aprovar de muevo la semana ke viene.
Sintiremos agora la estoria kontada por Emilia.
B)
Maria i yo keremos aflakarmos.
Mozotras keremos ir a un sentro de spor.
Ama ir a un sentro de spor es karo.
Alora dechidimos azer spor en kaza.
Maria tyene intensyon de korrer, i yo, de alevantar pezgos.
Ama a Maria no le plaze korrer.
I yo no so muy forsuda.
Indemas estamos muy okupadas.
Mozotras no tenemos tyempo para azer spor.
Ya puede ser ke podemos aprovar de muevo la semana ke viene.
Agora algunas demandas. Puedes aprovar de aresponderlas o puedes simplemente sintir las repuestas.
Kestiones:
1) Maria i Emilia keren azer spor en el sentro de spor. Maria i Emilia keren azer spor? Si, eyas keren azer spor en el sentro de spor.
2) Ir a un sentro de spor es karo. Ir a un sentro de spor es barato? No, no es barato. Ir a un sentro de spor es karo.
3) Eyas dechiden azer spor en kaza, porke el sentro de spor es muy karo. Eyas dechiden azer spor en kaza? Si, eyas dechiden azer spor en kaza, porke el sentro de spor es muy karo.
4) A Maria no le plaze korrer. A Maria le plaze korrer? No, a Maria no le plaze korrer.
5) Emilia tyene intensyon de alevantar pezgos, ama eya no es muy forsuda. Emilia tambyen tyene intensyon de korrer? No, Emilia tyene intensyon de alevantar pezgos.
6) Emilia no es muy forsuda. Emilia es forsuda? No, Emilia no es forsuda.
7) Maria i Emilia estan muy okupadas, dunke no tyenen muncho tyempo para azer spor. Maria i Emilia estan muy okupadas? Si, eyas estan muy okupadas, dunke no tyenen muncho tyempo para azer spor.
I esta es la estoria de Maria i Emilia, dos mujeres ke keren aflakarsen. Al vermos!