Agora sintimos la estoria de Jaime, ke lavora en un buro.
A)
Jaime lavora en un buro.
Esta muy okupado todos los diyas.
Tyene munchas reunyones kon sus klientes.
A Jaime no le plazen estas reunyones.
Se enfasya muncho en las reunyones.
Algunos klientes son agradavles kon Jaime.
Ama algunos klientes no son agradavles.
Jaime se toma largos antraktes para komer.
Se puede ir a kaza a las 5:00 de la tadre.
Todos los diyas aspera a ke seyga la 5:00 de la tadre.
Agora, sintimos la estoria kontada por Jaime.
B)
Lavoro en un buro.
Esto muy okupado todos los diyas.
Tengo munchas reunyones kon mis klientes.
No me plazen estas reunyones.
Me enfasyo muncho en las reunyones.
Algunos klientes son agradavles kon mi.
Ama otros klientes no son agradavles.
Me tomo largos antraktes para komer.
Puedo irme a kaza a la 5:00 de la tadre.
Todos los diyas aspero a ke seyga la 5:00 de la tadre.
Agora, algunas kestiones. Puedes aprovar de aresponderlas o puedes simplemente sintir las repuestas.
Kestiones:
1) Jaime lavora en un buro. Lavora Jaime en una eskola? No, Jaime lavora en un buro.
2) Jaime esta muy okupado todos los diyas. Esta Jaime muy okupado? Si, Jaime esta muy okupado todos los diyas.
3) Jaime tyene munchas reunyones kon sus klientes. Tyene Jaime algunas reunyones? No, Jaime tyene munchas reunyones kon sus klientes.
4) Jaime se enfasya muncho en las reunyones. Se enfasya muncho Jaime en las reunyones? Si, Jaime se enfasya muncho en las reunyones.
5) Algunos klientes son agradavles. Son todos los klientes agradavles? No, solo algunos de los klientes son agradavles.
6) Jaime se toma largos antraktes para komer. Se toma Jaime antraktes kurtos para komer? No, no se toma antraktes kurtos. Se toma largos antraktes para komer.
7) Jaime se puede ir a kaza a la 5:00 de la tadre. Puede Jaime irse a kaza a la 4:00 de la tadre? No, se puede ir a kaza a la 5:00 de la tadre.
I esta es la estoria de Jaime, ke lavora en un buro. Al vermos!