Agora sintimos la estoria de Juan, ke esta en el lise. Te rogo aze atansyon a la estoria de Juan i despues la estoria kontada por Juan. Aprova alora a aresponder algunas kestiones.
A)
Juan esta en el lise.
Tyene munchos deveres.
Clara es una eleva en la universita.
Eya tambyen tyene munchos deveres.
A Juan no le plazen los deveres.
A el le plaze djugar kon su komputadora.
A Clara le plaze meldar i eskrivir.
Eya aze sus deveres todos los diyas.
Clara es la ermana grande de Juan.
Eya siempre lo ovliga a azer sus deveres.
Agora, sintimos la mizma estoria kontada por Juan.
B)
Esto en el lise.
Tengo munchos deveres.
Clara es una eleva en la universita.
Eya tyene munchos deveres tambyen.
No me plazen los deveres.
Me plaze djugar kon mi komputadora.
A Clara le plaze meldar i eskrivir.
Eya aze sus deveres todos los diyas.
Clara es mi ermana grande.
Eya siempre me ovliga a azer mis deveres.
Agora, vamos a ver si puedes aresponder a estas kestiones o, si lo vas a preferar, simplemente aze atansyon a estas.
Kestiones:
1) Juan es un elevo de lise. Es Juan un elevo de lise? Si, Juan es un elevo de lise.
2) Juan tyene munchos deveres. Tyene Juan munchos deveres? Si, Juan tyene munchos deveres.
3) Clara es una eleva universitaria. Es Clara una eleva de lise? No, Clara no es una eleva de lise. Es una eleva universitaria.
4) A Juan le plaze djugar kon su komputadora. Le plaze a Juan djugar kon su komputadora? Si, a Juan le plaze djugar kon su komputadora.
5) A Clara le plaze meldar i eskrivir. Le plaze a Clara ver filmos? No, a Clara le plaze meldar i eskrivir.
6) Clara aze sus deveres todos los diyas. Aze Clara sus deveres todos los diyas? Si, Clara aze sus deveres todos los diyas.
7) Clara es la ermana grande de Juan. Son Juan i Clara parientes? Si, Juan i Clara son parientes. Clara es la ermana grande de Juan.
8) Clara ovliga a Juan a azer sus deveres todos los diyas. Ovliga Clara a Juan a azer sus deveres? Si, Clara ovliga a Juan a azer sus deveres todos los diyas.
I esto es todo. Te esperamos en la proksima estoria. Al vermos.