Esta es la estoria de Lina, una mujer ke va azer un prezentasion muy emportante.
A)
Lina tomara un avion a Los Andjeles esta noche.
Eya tyene una prezentasion de ventas muy emportante ke dar ayi.
Eya esta muy heyedjanliya, porke esta sera su primera vez en avlando delantre de un grande publiko.
Su patron le disho ke era muy emportante ke iziera un buen echo.
El disho ke la reushita del muevo produkto dependiya de eya.
A Lina no le agrada este modo de presion.
Eya se merekiya ke la echen del echo si aze un yerro.
De otra vanda, eya esta aprovando de pensar pozitivamente.
Ya puede ser ke si lo aze bien, eya va tomar una promosyon en su lugar.
Agora la mizma estoria kontada por Lina.
B)
Esto tomando un avion a Los Andjeles esta noche.
Tengo una prezentasion de ventas muy emportante ke dar ayi.
Esto muy heyedjanliya, porke esta sera mi primera vez en avlando delantre del un grande publiko.
Mi patron me disho ke es muy emportante ke aga un buen echo.
El disho ke la reushita del muevo produkto depende de mi.
No me agrada este modo de presion.
Me merekiyo ke me echen del echo si ago un error.
De otra vanda, esto aprovando de pensar pozitivamente.
Ya puede ser ke si lo ago bien, a lugar de esto va tomar una promosion.
Veremos agora algunas kestiones. Puedes solo sentir las kestiones o, si keres aprovar de aresponderlas, azelo por favor en silensio o en boz alta
Kestiones:
1. Lina tomara un avion a Los Andjeles esta noche. Kuando tomara Lina un avion? Lina tomara un avion a Los Andjeles esta noche.
2. Eya tyene de dar una prezentasion de ventas muy emportante. Kualo estara aziendo ayi? Eya tyene una prezentasion de ventas muy emportante ke dar ayi.
3. Eya esta muy heyedjanliya, porke esta sera su primera vez en avlando delantre de un grande publiko. Deke esta eya muy heyedjanliya? Porke esta sera su primera vez en avlando delantre de un grande publiko.
4. Su patron le disho ke es muy importante ke eya aga un buen echo. Ke le disho su patron? Su patron le disho ke es muy importante ke eya aga un buen echo.
5. El disho ke la reushita del muevo produkto depende de eya. Kualo disho el? El disho ke la reushita del muevo produkto depende de eya.
6. Lina se merekiya ke la echen del echo si aze un yerro. De kualo se merekiya Lina? Lina se merekiya de ke la echen del echo si aze un yerro.
7. De otra vanda, eya esta aprovando de pensar pozitivamente. Komo esta aprovando de pensar Lina? De otra vanda, eya esta aprovando de pensar pozitivamente.
8. Ya puede ser ke si lo aze bien, a lugar de esto, eya va tomar una promosyon. Kualo puede afitar si Lina lo aze bien? Ya puede ser ke si lo aze bien, a lugar de esto va tomar una promosyon.
I esto es todo. Al vermos presto en muestra estoria sigiente.